روس کرغزستان میں قائم اپنی فوجی تنصیبات میں مزید اضافہ کرے گا

ماسکو: روس، وسطی ایشیائی ملک کرغزستان میں فوجی تنصیبات میں اضافہ کرے گا۔ روسی صدر پیوٹن نے کرغزستان کے ہم منصب صدر جباروف سے ملاقات کی۔ کریملن کا اس حوالے سے کہنا ہے کہ دونوں صدور نے کرغزستان کی مسلح افواج کو مضبوط کرنے پر اتفاق کیا۔ کریملن کے مطابق دونوں صدور نے کرغزستان کی سرزمین پر روسی فوجی تنصیبات کی ترقی پر زور دیا۔ ملاقات میں کرغزستان، روس فوجی و تکنیکی، معاشی و ثقافتی تعاون بڑھانے پر اتفاق ہوا ہے۔ کرغزستان میں بحری تنصیبات، ایئر فیلڈ پر مشتمل روس کا فوجی اڈہ موجود ہے۔