روس یوکرین جنگ اب ختم ہونی چاہئے ،کوئی فاتح نہیں ہوگا، اقوام متحدہ

نیویارک : روس یوکرین جنگ کے 100 دن مکمل ہونے پر اقوام متحدہ نے کہا ہے کہ اس تنازع میں کوئی بھی فتح یاب نہیں ہوگا۔ اقوام متحدہ کے اسسٹنٹ سیکریٹری جنرل اور یوکرین کے لیے مقرر کردہ کوآرڈینیٹر امین آود نے کہا کہ اس جنگ کا کوئی فاتح نہیں ہوگا۔ 100 دن تک ہم نے دیکھا کہ انسانی جانیں ضائع ہوئیں، گھر ٹوٹے، ملازمتیں ختم ہوئیں اور روشن مستقبل کے امکانات معدوم ہوگئے۔ روس نے 24 فروری کو یوکرین پر حملہ کیا تھا، سب سے پہلے کیف میں فوج داخل ہوئی، بعد ازاں روسی فوج نے خارکیف کو قبضے میں لیا۔ اقوام متحدہ کے عہدیدار نے کہا کہ صرف تین مہینے میں ایک کروڑ 40 لاکھ یوکرینی شہری بےگھر ہوگئے۔
ہم امن چاہتے ہیں، اس جنگ کو اب ختم ہونا چاہیے۔