روس کا یوکرین سے شہریوں کے انخلا کے لیے ایک اور عارضی جنگ بندی کا اعلان

ماسکو : روس نے یوکرین سے شہریوں کے انخلا کے لیے ایک اور جنگ بندی کا اعلان کر دیا۔ سرکاری ذرائع ابلاغ کے مطابق ماسکو نے ایک اور انسانی بنیادوں پر جنگ بندی کا اعلان کیا ہے تاکہ حملوں کی زد میں آنے والے شہروں میں شہریوں کو نکلنے کی اجازت دی جا سکے۔ انخلا کیلئے کیف، چرنیہیو، سومی، خرکیو اور ماریوپول کے لیے دوبارہ راہداری قائم کی جائے گی۔ یہ تیسرا موقع ہے جب ماسکو کی طرف سے جنگ بندی کا اعلان کیا گیا ہے – جن میں سے اکثر ناکام ہو چکے ہیں۔گذشتہ روز یوکرین کے حکام نے دعوی کیا ہے کہ وہ سومی سے 5,000 لوگوں کو نکالنے میں کامیاب ہوئے ہیں یہ پہلا کامیاب اجتماعی انخلاء تھا۔