Raza Musani 
پاسداران انقلاب نے آبنائے ہرمز میں امریکی سمندری ڈرون قبضے میں لینے کا دعویٰ کرتے ہوئے اس کی ویڈیو جاری کردی۔ پاسداران انقلاب کے مطابق امریکی سمندری ڈرون کی شناخت آر ای ایم یو ایس 600 کے نام سے ہوئی ہے، جسے سمندر میں بارودی سرنگوں کی تلاش اور جاسوسی کے لیے استعمال کیا جاتا ہے۔ ایرانی حکام کا کہنا ہے کہ ماہرین قبضے میں لیے گئے سمندری ڈرون سے ڈیٹا حاصل کرنے کی کوشش کر رہے ہیں۔ پاسداران انقلاب نے دعویٰ کیا کہ آبنائے ہرمز بدستور بند ہے، جبکہ ایران کی جانب سے جاری کیے گئے احکامات کی خلاف ورزی کرنے والے بحری جہازوں کے خلاف کارروائی جاری ہے۔
