پارلیمانی انتخابات میں مزاحمت نے شاندار فتح حاصل کی، سید حسن نصر اللہ

بیروت : حزب اللہ کے سیکریٹری جنرل سید حسن نصر اللہ نے کہا ہے کہ پارلیمانی انتخابات میں تحریک مزاحمت کے خلاف ایک جنگ تھی جس میں مزاحمت نے عظیم فتح حاصل کی۔ عوام سے اپنے خطاب میں حسن نصراللہ نے کہا کہ بڑے پیمانے پر ٹرن آؤٹ اور انتخابات کے نتائج نے لوگوں سے جڑے رہنے اور استقامت کے عزم کا پیغام دیا۔ انتخابات میں حزب اللہ اور اس کے اتحادیوں کی زبردست حمایت مزاحمت کے راستے پر چلنے کے لیے لوگوں کے عزم کو ظاہر کرتی ہے۔ انہوں نے کہا کہ یہ کایمابی ہمارے اور اتحادیوں کیخلاف نفسیاتی حملوں اور وسیع پروپیگینڈوں، اقتصادی محاصرے کے باوجود حاصل ہوئی ہے۔ انہوں نے حزب اللہ دھڑے کے نئے ارکان کا بھی شکریہ ادا کرتے ہوئے کہا کہ ہم مزاحمتی لیڈر کا شکریہ ادا کرتے ہیں جنہوں نے ووٹنگ کے عمل میں شرکت کی نگرانی کی۔ ان کا کہنا تھا کہ لوگوں کو ڈرانے دھمکانے اور انہیں واپس کرنے کی تمام تر دھمکیوں اور بہتانوں کے باوجود صیہونیوں کو کامیابی حاصل نہيں ہوئی، تین مراحل میں نمایاں حاضری ایک دندان شکن جواب تھا۔ ملک میں کوئی سیاسی گروہ ایسا نہیں ہے جو پارلیمانی اکثریت کا دعویٰ کر سکے۔ ابھی تک تمام معزز اور معقول لوگوں نے ایسا دعویٰ نہیں کیا ہے۔ پارلیمنٹ میں کسی ایک جماعت یا گروپ کی اکثریت نہ ہونے کا فائدہ سب کو یکساں طور پر ذمہ دار بناتا ہے۔
آج ہمیں پارلیمانی دھڑوں اور سیاسی جماعتوں اور نئے اور آزاد نمائندوں کی ایک فہرست کا سامنا ہے، جو ہوا ممکن ہے لبنان اور اس ملک کے عوام کے مفاد میں ہو، اور یہ کہ اس گروہ یا اس گروہ نے اکثریت حاصل نہیں کی۔ سید حسن نصر اللہ نے انتخابات کے انعقاد پر لبنانی صدر اور وزیر اعظم سمیت لبنانی حکام اور سیکیورٹی فورسز کا شکریہ بھی ادا کیا۔