اسکارف پہننے سے انکار، ایرانی صدر نے امریکی صحافی سے انٹرویو منسوخ کر دیا

نیویارک: ایرانی صدر آیت اللہ ابراہیم رئیسی نے معروف امریکی صحافی کرسٹیانا امانپور سے انٹرویو منسوخ کردیا۔ صدر کی ٹیم نے کرسٹیانا امانپور کو انٹرویو سے پہلے بتایا کہ انہیں صدر کے سامنے سر ڈھانپ کر بیٹھنا ہوگا۔ تاہم امانپور نے کہا کہ وہ یہ شرط قبول نہیں کرسکتیں جس پر انٹرویو منسوخ کردیا گیا۔ کرسٹیانا امانپور کا کہنا تھا کہ وہ ایران میں رپورٹنگ کے دوران اسکارف پہنتی ہیں تاہم نیو یاک میں اسکارف پہننےکا کوئی قانون نہیں ہے۔ میں 1995 سے اب تک میں ہر ایرانی صدر کا انٹرویو کرچکی ہوں لیکن کسی بھی ایرانی صدر نے اسکارف کی شرط نہیں رکھی۔