Raza Musani 
ریاض :سعودی عرب اور متحدہ عرب امارات سمیت خلیجی ممالک میں رمضان المبارک کا آغاز ہوگیا ہے۔ انڈیا۔ پاکستان ۔ایران۔ برطانیہ اور دیگر یورپی ممالک میں کل پہلا روزہ ہونے کا امکان ہے۔ سعودی عرب میں چاند کا اعلان ہونے کے بعد مسجد الحرام اور مسجد نبوی میں رمضان المبارک کی پہلی تراویح کے روح پرور مناظر دیکھے گئے۔ دنیا بھر سے آئے ہزاروں مسلمان بارگاہ الہیٰ میں سجدہ ریز ہوئے، ماہ رمضان پانے پر شکر اور مغفرت کی دعائیں مانگیں۔ سعودی عرب کے علاوہ متحدہ عرب امارات، قطر، کویت، بحرین، عراق، یمن، لبنان، فلسطین اور افغانستان میں بھی آج پہلا روزہ ہے۔
ادھر پاکستان۔ انڈیا۔ ترکیہ مصر۔ انڈونیشیا۔ اور مشرق بعید کے بیشتر ممالک میں کل پہلا روزہ ہونے کا امکان ہے۔ ادھر برطانیہ اور یورپ کے کئی ممالک میں مسلمان اس بار بھی منقسم رہے۔ بعض ممالک میں سعودی عرب کے ساتھ آج اور برطانیہ سمیت دیگر ممالک میں کل سے آغاز رمضان کا اعلان کیا گیا ہے۔
