Raza Musani 
تہران : ولی امر مسلمین آیت اللہ خامنہ ای نے کہا ہے کہ انقلاب اسلامی کی سالگرہ پر ریلیوں میں عوام کی بھرپور شرکت نے ایران کا سر بلند اور دشمن کو مایوس کردیا۔ ولی امر مسلمین نے ایک بیان میں عوامی ریلیوں کو ایران کی عزت، طاقت اور اقدار میں اضافے کا ذریعہ قرار دیا ہے۔ انہوں نے کہا کہ عوام کی بھرپور شرکت نے ان دشمنوں کو مایوس کر دیا جو اپنے بیانات اور منصوبہ بندی میں ایرانی قوم کو جھکانے کی کوشش کر رہے تھے۔ عوام نے ہمیشہ کی طرح اسلامی جمہوری نظام کی حمایت کرکے دکھایا کہ ملک کی اصل طاقت عوامی پشت پناہی میں ہے۔ رہبر انقلاب نے کہا کہ اس عظیم اجتماع کا نتیجہ ایران کی مزید عزت، مضبوط تر اقتدار اور استقلال کی صورت میں ظاہر ہوگا۔ انہوں نے زور دیا کہ قومی اتحاد ایک قیمتی سرمایہ ہے جسے ہر صورت محفوظ رکھا جانا چاہیے۔
