اقتباس |والدین کے احترام کے دنیا میں نتائج | حصہ دوم*

• دنیوی اور اخروی کامیابی سبب*
  روایت میں ہے کہ والدین جب اولاد کے حق میں دعا کرتے ہیں تو خدا کبھی بھی اس کو رد نہیں کرتا ہے۔
  چار ہستیاں خدا کی نظر میں ایسی ہیں کہ اگر وہ دعا کریں تو ان کی دعا کبھی بھی استجابت سے محروم نہیں ہوتی: باپ کی اولاد کے حق میں دعا

۔ مظلوم کی ظالم کے خلاف دعا

۔ عمرہ انجام دینے والے کی دعا عمرہ سے واپس آنے تک

۔ روزہ دار کی دعا روزہ افطار کرنے تک

یہ وہ افراد ہیں جن کے لیے خدا نے رحمتوں کے دروازے کھول رکھے ہیں تاکہ ان کی فریاد عرش تک پہنچ جائے۔
لہٰذا انسان کی کامیابی اور دنیوی زندگی کو شادابی کے ساتھ گزارنے میں ماں باپ کی بہت بڑی دخالت ہے۔

والدین کی رضا میں خدا کی رضا*
پیغمبر اکرم (ص) نے فرمایا:
لوح محفوظ پر سب سے پہلے یہ لکھا گیا ہے کہ میں ﷲ ہوں اور میرے علاوہ کوئی معبود نہیں ہے۔ اگر کسی پر اس کے ماں باپ خوش ہوں تو میں بھی اس پر خوش ہوں لیکن اگر کسی پر اس کے والدین ناراض ہوں تو میں بھی اس سے ناراض ہوں۔
دوسری روایت میں پیغمبر اکرم (ص) نے فرمایا:
خدا کی رضایت ماں باپ کی رضایت میں پوشیدہ ہے اور ان کی ناراضگی ماں باپ کی ناراضگی میں مخفی ہے۔