Raza Musani 
تل ابیب : سابق اسرائیلی صدر ریوین ریولن نے انکشاف کیا ہے کہ آنجہانی ملکہ الزبتھ ہر اسرائیلی کو دہشت گرد یا دہشت گرد کا بیٹا سمجھتی تھیں۔ لندن میں حیفا کے ٹیکنین انسٹی ٹیوٹ آف ٹیکنالوجی کے زیر اہتمام تقریب سے خطاب میں ریوین ریولن نے کہا کہ اسرائیل اور ملکہ الزبتھ کے درمیان تعلقات قدرے مشکل تھے۔ انہوں نے اسرائیلی حکام کو بکنگھم پیلس میں داخل ہونے کی اجازت دینے سے انکار کر دیا تھا۔ ملکہ کا خیال تھا کہ ہم میں سے ہر ایک دہشت گرد ہے یا دہشت گرد کا بیٹا ہے۔ بااثر کنزرویٹو فرینڈز آف اسرائیل گروپ کے اعزازی صدر اسٹورٹ پولک نے ملکہ الزبتھ کی موت کے بعد دعویٰ کیا تھا کہ شاہی خاندان کو دفتر خارجہ نے اسرائیل کا دورہ کرنے سے منع کردیا تھا.
