Raza Musani 
مظفرآباد : سردار تنویر الیاس بلا مقابلہ 14 ویں وزیراعظم آزاد کشمیر منتخب ہوگئے۔ اسپیکر چوہدری انوار الحق کی زیر صدارت آزاد کشمیر قانون ساز اسمبلی کا اجلاس ہوا۔ ارکان نے نئے قائد ایوان کیلئے اپنا حق رائے دہی استعمال کیا۔ پی ٹی آئی کے امیدوار سردار تنویر الیاس 33 ووٹ لیکر منتخب ہوگئے۔اسپیکر نے قائد ایوان کی کامیابی کا اعلان کیا۔ سردار تنویر الیاس کے مقابلے میں کسی امیدوار نے کاغذات جمع نہیں کرائے تھے۔ نومنتخب وزیراعظم نے خود ووٹ دینے والے ارکان کا شکریہ ادا کیا۔ ٹوئٹ کیا کہ یہ کئی سالوں کی جدوجہد اور میری عوامی خدمت کا ایک آغاز ہے۔
