گوادر میں احتجاج اور کشیدہ صورتحال، سینکڑوں زائرین بارڈر پر پھنس گئے

گوادر: گوادر میں احتجاج اور کشیدہ صورتحال کے پیشِ نظر ایران سے آنے والے سینکڑوں زائرین بارڈر پر پھنس گئے۔ رمدان بارڈر پر زائرین کے قافلے 48 گھنٹے سے بیٹھے ہوئے ہیں۔ زائرین میں چھوٹے بچوں اور خواتین کی بھی بڑی تعداد موجود ہے اور ان کے پاس کھانے پینے کی اشیاء بھی کم ہے۔ زائرین نے مطالبہ کیا ہے کہ حکومت سینکڑوں زائرین کو بارڈر سے کراچی پہنچانے میں کردار ادا کرے۔ گوادر میں ہونے والے اجتماع میں شرکت کے لیے جانے والے قافلوں کو کوئٹہ سمیت صوبے کی بعض شاہراہوں پر رکاوٹیں کھڑی کر کے روکنے پر حالات کشیدہ ہو گئے ہیں۔