سری لنکا میں بدترین معاشی بحران کیخلاف احتجاج تشدد میں تبدیل، صدارتی محل پر حملہ، درجنوں زخمی و گرفتار

کولمبو: سری لنکا میں بدترین معاشی بحران کے باعث عوام پھر سڑکوں پرآگئے۔ مظاہرین نے دارلحکومت کولمبو میں صدارتی محل پر حملہ کردیا۔ فورسز نے مظاہرین کومنتشر کرنے کیلئے آنسو گیس کی شیلنگ اور فائرنگ کی۔مشتعل عوام نے فورسز کی گاڑیوں کوآگ بھی لگادی۔اور سڑکوں کو بلاک کردیا۔ پولیس سے جھڑپوں میں پچاس سے زائد مظاہرین زخمی ہوگئے۔ پولیس نے درجنوں مظاہرین کو گرفتار کرلیا۔ کولمبو میں کرفیو نافذ کردیا گیاہے۔
صدر گوٹابایا راجا پاکسے نے واقعات کا الزام انتہا پسند عناصر پر لگایا۔بجلی بندش اور دیگر مسائل کیخلاف عوام صدر کیخلاف احتجاج کررہے ہیں۔