Raza Musani 
تل ابیب : اسرائیلی وزیراعظم بنیامین نتن یاہو کی جانب سے دہشت گردی کا ذمہ دار قرار دینے پر مظاہرین بپھر گئے۔ بنیامین نتن یاہو نے اسرائیلیوں کے خلاف حالیہ حملوں کا ذمہ دار سابقہ حکومت اور احتجاجی تحریک کو ٹہرایا تھا۔ اسرائیلی وزیراعظم کے خطاب کے بعد تل ابیب میں سینکڑوں مظاہرین سڑکوں پر آگئے اور نیتن یاہو کے خلاف ریلی نکالی۔ اور ایک اہم شاہراہ ایالون ہائی وے کو بند کردیا جس پر پولیس اور مظاہرین میں جھڑپیں شروع ہوگئیں۔ پولیس نے 8 مظاہرین کو گرفتار کرلیا۔ متنازع عدالتی اصلاحات پر اسرائیلی وزیراعظم کیخلاف تین ماہ سے احتجاجی تحریک جاری ہے ۔ مظاہرین عدالتی اصلاحات کا بل موخر کرنے کے بجائے واپس لینے کا مطالبہ کررہے ہیں۔
