خواتین کو این جی اوز میں کام سے روکنا اسلام کی ساکھ کو نقصان پہنچانے کے مترادف ہے ، رابطہ عالم اسلام

جدہ: رابطہ عالم اسلام کے سیکریٹری جنرل محمد العیسیٰ نے افغانستان میں خواتین کے غیر سرکاری اداروں میں کام کرنے پر پابندی کا فیصلہ ناقابل قبول قرار دیا ہے۔ محمد العیسیٰ نے کہا ہے کہ طالبان کی جانب سے غیر سرکاری تنظیموں میں خواتین کے کام کرنے پر پابندی کے اثرات پر گہری تشویش ہے، یہ اسلام کی ساکھ کو نقصان پہنچانے کے مترادف ہے۔ ہم اس طریقہ کار پر افسوس کا اظہار کرتے ہیں جسے شریعت نے مسترد کیا ہے۔اس سے افغان عوام کو ٹھیس پہنچی ہے ایسے اقدام سے ان لوگوں میں اسلام کی ساکھ مجروح ہوتی ہےجو ہمارے حقیقی مذہب کی حقیقت کو نہیں جانتے۔ طالبان نے نہ صرف خواتین کے این جی اوز میں کام کرنے پر پابندی لگادی ہے بلکہ لڑکیوں کو یونیورسٹی جانے سے بھی روک دیا ہے۔