Raza Musani 
سری نگر: مقبوضہ کشمیر میں جی 20 اجلاس کیخلاف پوسٹرز لگ گئے۔ پوسٹرز میں جی 20 ممالک سے مقبوضہ کشمیر میں مجوزہ اجلاس کے بائیکاٹ کا مطالبہ کیا گیا ہے۔ بائیکاٹ کے مطالبے کے پوسٹرز سری نگر اور دیگر علاقوں میں لگائے گئے ہیں۔پوسٹرز پر لکھا ہے کہ جموں کشمیر بین الاقوامی تسلیم شدہ متنازع علاقہ ہے۔ ہندوستان نے جان بوجھ کر متنازع خطے میں اجلاس رکھا ہے۔ جس کا مقصد کشمیر مخالف منصوبوں اور اقدامات کو چُھپانا ہے۔ ہندوستان عالمی برادری کو مقبوضہ وادی میں حالات معمول کے مطابق ہونے کا تاثر دینا چاہتا ہے۔ پوسٹرز میں جی 20 ممالک سے ہندوستان کے مذموم عزائم کو سمجھنے کی اپیل کی گئی ہے۔ پوسٹرز میں سعودی عرب اور ترکی سے سرینگر میں اجلاس کے مکمل بائیکاٹ کی خصوصی اپیل کی گئی ہے۔
