Raza Musani 
اسلام آباد: اسلام آباد پولیس نے عدالت کے سخت حکم کے باجود سابق وزیر اعلیٰ پنجاب پرویز الہیٰ کو چوتھی بار گرفتار کرلیا۔ لاہور ہائی کورٹ میں پرویز الٰہی کی نیب میں گرفتاری کے خلاف دائر درخواست پر سماعت ہوئی۔ نیب نے انہیں پیش کرنے میں ٹال مٹول سے کام لیا۔ عدالت نے پرویز الہیٰ کی فوری رہائی کا حکم دیا اور سختی سے ہدایت کی کہ پولیس۔ کوئی اتھارٹی یا ادارہ انہیں گرفتار نہ کرے۔ عدالت نے انہیں عدالتی عملے کی نگرانی میں گھر روانہ کیا لیکن راستے میں اسلام آباد پولیس نے پرویز الہٰی کی گاڑی کو روکا، انہیں گاڑی سے نکالا اور اپنی گاڑی میں ڈال کر بذریعہ ہیلی کاپٹر اسلام آباد منتقل کردیا۔ اسلام آباد پولیس کے مطابق انہیں تھری ایم پی او کے تحت گرفتار کیا گیا ہے۔ 15 دن جیل میں رکھا جائے گا۔ عدالت نے قرار دیا کہ انکوائری ہوگی کہ عدالتی حکم کے باوجود پرویز الٰہی کو کیوں گرفتار کیا گیا۔
