Raza Musani 
تہران : ایران نے کہا ہے کہ کسی بھی صورت پر امن ایٹمی سرگرمیاں نہیں روکیں گے ایٹمی توانائی کے ادارے کے سربراہ محمد اسلامی نے نئے سال کے موقع پر اپنے تہنیتی پیغام میں لکھا ہے کہ پرامن ایٹمی سرگرمیاں جاری رہیں گی۔ ایٹمی سرگرمیوں کو جاری رکھنے کے مقصد سے پروگرام تیار کئے جا چکے ہیں۔تسلط پسند طاقتوں کی بھرپور کوششوں کے باوجود اللہ کے فضل و کرم سے ایٹمی سائنسدانوں کے تعاون کی وجہ سے ملک کی ایٹمی صنعت سرگرم ہے۔انہوں نے کہا کہ اس بارے میں ایٹمی سائنسدانوں اور ان کے اہل خانہ جو قربانیاں دے رہے ہیں وہ قابل تعریف ہے۔محمد اسلامی کے مطابق ایٹمی ٹیکنالوجی کے عروج پر پہنچنے کے لئے ہم نے اس راستے میں شہداء کی قربانیاں پیش کی ہیں۔ انہوں نے کہا کہ یہ سب ایک مضبوط قوتِ ارادی کی علامت ہے۔ انہوں نے بتایا کہ ملک میں ایٹمی سرگرمیاں جاری رہیں گی۔
