Raza Musani 
رام اللہ : فلسطینی حکم نے اسرائیل پر پابندیاں لگانے کا مطالبہ کردیا۔ فلسطین نیشنل انیشیٹو کے سیکریٹری جنرل مصطفیٰ برغوثی کا کہنا ہے کہ اسرائیل کا عالمی عدالت کے حکم کو نظر انداز کرنا حیران کن نہیں۔ اسرائیل کئی دہائیوں سے خود کو بین الاقوامی قوانین سے بالاتر سمجھتا رہا ہے۔ انہوں نے کہا کہ وقت بدل گیا ہے اب اسرائیل کا استثنیٰ ختم ہو گیا ہے۔ نہ صرف عالمی فوجداری عدالت بلکہ عالمی عدالت انصاف بھی مداخلت کر رہی ہے۔ یہ ایک نئی صورتحال ہے، لیکن اسرائیل سننے کو تیار نہیں ہے۔ وقت آگیا ہے کہ اسرائیل پر پابندیاں لگائی جائیں۔ امریکا کو فیصلہ کرنا ہوگا کہ وہ اسرائیل کی حمایت کرے گا یا بین الاقوامی قوانین کی۔
ادھر فلسطینی وزیر اعظم محمد مصطفیٰ نے اطالوی وزیراعظم سے ملاقات میں اٹلی پر فلسطینی ریاست کو تسلیم کرنے پر زور دیا ہے۔
