Raza Musani 
واشنگٹن : امریکا میں فلسطینی حامی گروپوں اور افراد کی سرگرمیوں کے باعث قانونی مدد کی درخواستیں بلند ترین سطح پر برقرار ہیں۔ فلسطین لیگل نامی تنظیم کی سالانہ رپورٹ کے مطابق سن دو ہزار پچیس میں قانونی مدد کے لیے ایک ہزار ایک سو اکتیس درخواستیں موصول ہوئیں۔ یہ تعداد سن دو ہزار چوبیس کے ریکارڈ دو ہزار ایک سو چوراسی کیسز سے کم ہے جب امریکی جامعات میں بڑے پیمانے پر فلسطینی حامی مظاہرے ہوئے تھے۔ فلسطین لیگل کے مطابق یونیورسٹی کے طلباء اور فیکلٹی کی جانب سے قانونی مدد کے لیے زیادہ درخواستیں دی گئیں لیکن بیشتر درخواستوں یعنی 122 کو امیگریشن اور سرحدی امور سے متعلق کے زمرے میں رکھا گیا تھا۔ تنظیم کی ایگزیکٹو ڈائریکٹر دیما خالد نے کہا کہ پابندیوں اور دباؤ کے باوجود فلسطینی حامی سرگرمیاں جاری رہیں۔ انہوں نے کہا کہ ٹرمپ انتظامیہ اور اسرائیل نواز حلقوں کے دباؤ پر جامعات نے اکثر پسپائی اختیار کی۔
