Raza Musani 
اسلام آباد: پاکستان کی فوجی اور سول قیادت نے دہشت گردی کیخلاف آپریشن مزید تیز کرنے پر اتفاق کیا ہے۔ قومی سلامتی کمیٹی کا 41 واں اجلاس وزیرِاعظم شہباز شریف کی زیرِصدارت وزیرِاعظم ہاؤس اسلام آباد میں ہوا۔ دو گھنٹے جاری قومی سلامتی کمیٹی کے اجلاس میں ملکی سیکیورٹی کی صورتِ حال پر غور کیا گیا۔ اجلاس میں اس بات پر اتفاق ہوا کہ دہشتگردی کے خلاف آپریشن جاری رہے گا اور آپریشن کو مزید تیز کیا جائے گا۔دہشت گردوں کے خلاف زیرو ٹالرنس پالیسی جاری رہے گی۔ وزیر خزانہ اسحاق ڈار کی جانب سے شرکاء کو بریفنگ دی گئی۔ اجلاس میں سویلین اور عسکری قیادت کے علاوہ کمیٹی ممبران اور چاروں وزرائے اعلیٰ خصوصی طور پر شریک ہوئے۔ اجلاس میں موجودہ سیاسی و عدالتی صورتحال پر تبادلہ خیال کیا گیا۔ وزیراعظم نے پارلیمانی رہنماؤں کو آئندہ کی حکمت عملی پر اعتماد میں لیا۔ اہم اجلاس میں خطے کی صورتحال، پاک امریکا تعلقات پر غور کیا گیا۔
