Raza Musani 
اسلام آباد: حکومت نے افغانستان میں دہشت گردوں اور انکے معاون انفراسٹرکچر کیخلاف جاری آپریشن عارضی طور پر معطل کردیا ہے۔ وفاقی وزیر اطلاعات عطاء تارڑ کا کہنا ہے کہ پاکستان نے عید کے احترام اور برادر ممالک سعودی عرب، ترکیہ اور قطر کی درخواست پر پانچ روز کارروائی رکی رہے گی، تاہم جنگ بندی کے دوران حملہ ہوا تو دوبارہ شدت سے آپریشن ہوگا۔
دوسری جانب پاکستان کی طرف سے کارروائی روکنے پر افغان طالبان نے بھی پاکستان پر حملے نہ کرنے کا اعلان کیا ہے افغان طالبان حکومت کے وزیر داخلہ سراج الدین حقانی نے کہا کہ جنگ نہیں سفارتکاری سے معاملہ حل کرنیکی کوشش ہے۔ جبکہ قطر میں امارت اسلامیہ کے سفیر سہیل شاہین کا کہنا ہے کہ افغانستان یہ تحریری یقین دہانی کروا سکتا ہے کہ افغان سرزمین سے پاکستان کو کوئی نقصان نہیں پہنچایا جائے گا۔
