کاظمین میں ایک کروڑ 40 لاکھ سے زائد زائرین کی عزاداری

کاظمین : ایران اور عراق سمیت دنیا کے متعدد ممالک میں فرزند رسول حضرت امام موسی کاظم علیہ السلام کا یوم شہادت عقیدت و احترام سے منایا گیا۔ عراق کے مختلف علاقوں خاص طور سے جنوبی اور وسطی صوبوں سے لاکھوں کی تعداد میں زائرین نے بغداد کے شمال میں واقع کاظمین میں عزاداری کی۔ ایک کروڑ چالیس لاکھ سے زائد زائرین نے عزاداری کے مراسم میں شرکت کی۔