Raza Musani 
نابلس: غاصب اسرائیلی ریاست کے صیہونی فوجیوں نے مزید تین فلسطینیوں کو گولیاں مار کر شہید کردیا جبکہ پانچ کو گرفتار کرلیا گیا۔ مقبوضہ مغربی کنارے میں صیہونی فوجیوں نے چیک پوسٹ پر دو فلسطینیوں کوگولی مارکرشہید کردیا ہے۔ اسرائیلی وزیر دفاع گیلنٹ نے دعویٰ کیا ہے کہ دونوں فلسطینی مسلح تھے اور انھوں نے فوجی چوکی پرفائرنگ کی تھی۔ فوجیوں کے کامیاب آپریشن نے اسرائیلی شہریوں کے خلاف حملے کو روک دیا ہے۔ چند گھنٹوں قبل مقبوضہ مغربی کنارے میں اریحا کےقریب پناہ گزین کیمپ پر چھاپہ مار کارروائی میں ایک فلسطینی شہید اور دو زخمی ہوگئے۔ دوسری جانب اسرائیلی فوجی دستوں نے شمالی مغربی کنارے کے شہر جنین اور قریبی پناہ گزین کیمپ میں چھاپہ مار کارروائی کی اور پانچ فلسطینیوں کو گرفتار کرلیا۔ اس موقع پر فوجیوں اور مسلح افراد میں فائرنگ کا تبادلہ بھی ہوا تاہم کوئی ہلاک یا زخمی نہیں ہوا۔
