امریکا میں طیارہ کو حادثہ، ایک شخص ہلاک، 5 زخمی

میامی: امریکی ریاست فلوریڈا کے شہر میامی میں چھوٹا طیارہ پل پر ایک کار کے اوپرآ گرا جس کے نتیجے میں ایک شخص ہلاک اور 5 زخمی ہو گئے۔ یہ المناک حادثہ دوپہر سے کچھ پہلے ہولفر انلیٹ پل پر پیش آیا جس سے پل پر ٹریفک بند ہو گئی۔سنگل انجن والے سیسنا 172 طیارے میں 3 افراد سوار تھے، طیارہ انجن میں خرابی کے باعث گرکر تباہ ہو گیا۔ طیارہ ایک کار پر آگرا جس میں ایک خاتون دو بچے سوار تھے۔حادثے کے بعد طیارے کو آگ لگ گئی۔