جنگ بندی میں رکاوٹ دوبارہ جنگ شروع ہونے کے مترادف ہوگی، یمن کا سعودی اتحاد کو انتباہ

صنعا : یمن کی نیشنل سالویشن حکومت کے سیکریٹری خارجہ حسین العزی نے جارح سعودی اتحاد کو خبردار کیا ہے کہ جنگ بندی میں کسی طرح کی رکاوٹ، جنگ کے پھر سے شروع ہونے کے مترادف ہوگی۔ اقوام متحدہ کی زیر نگرانی یمن میں دو ماہ کی جنگ بندی 2 اپریل سے لاگو ہوئی جو 2 جون کو ختم ہوگی۔ حسین العزی نے کہا ہے کہ انہیں امید ہے سعودی اتحاد جنگ بندی کی پابندی کرے گا اور دوبارہ کسی طرح کی رکاوٹ پیدا نہیں ہوگی تاکہ دونوں فریق سکون کے ساتھ صلح اور نیک ہمسایگی کی طرف بڑھیں۔اقوام متحدہ کی طرف سے اعلان شدہ جنگ بندی کے مطابق، روزانہ صنعاء ایئر پورٹ سے دو پروازیں اڑیں گی۔