ایران کے اسرائیل پر حملوں میں نو اسرائیلی، 3 امریکی فوجی ہلاک، سینکڑوں زخمی

تہران : ایران کے اسرائیل پر حملوں میں نو اسرائیلی ہلاک اور پچاس سے زائد زخمی ہوگئے جبکہ کویت میں میزائل حملے میں تین امریکی فوجی ہلاک اور پانچ زخمی ہوئے ۔ پاسداران انقلاب کے امریکی اہداف پر حملوں میں 560 امریکی فوجی ہلاک و زخمی ہوئے ہیں۔ ایران کے یروشلم کے قریب بیت شمیش پر میزائل حملے میں 9 اسرائیلی ہلاک اور 50 سے زائد زخمی ہوگئے جبکہ 11 افراد لاپتا ہیں۔ حملے میں بم پروف عمارت کو نشانہ بنایا گیا اور حملہ اس قدر شدید تھا کہ قریبی عمارتوں کو بھی نقصان پہنچا۔ اسرائیلی وزارت صحت کے مطابق ایرانی حملوں میں اب تک 456 افراد کو اسپتال منتقل کیا گیا۔ امریکی فوج نے بیان میں کہا کہ ایران پر حملوں کے دوران امریکی فوج کے 3 اہلکاروں کی ہلاکت اور 5 شدید زخمیوں کے علاوہ متعدد اہلکار معمولی زخمی بھی ہوئے ہیں۔ سینٹرل کمانڈ نے بتایا کہ دیگر کئی فوجی اہلکاروں کو معمولی زخم آئے ہیں اور نقصان پہنچا ہے جنہیں واپس بھیجا جا رہا ہے جبکہ آپریشن جاری ہے اور ہماری کارروائیاں ابھی ختم نہیں ہوئی ہیں۔ ایرانی پاسداران انقلاب نے کہا ہے کہ امریکی جنگی جہاز بردار ابراہم لنکن کو 4 بلیسٹک میزائل سے نشانہ بنایا ہے۔