نصیرات میں قتل عام منظم ریاستی دہشت گردی ہے، او آئی سی

جدہ : اسلامی تعاون تنظیم او آئی سی نے نصیرات میں قتل عام کو اسرائیل کی منظم ریاستی دہشت گردی اور فلسطینی عوام کے خلاف جاری نسل کشی کا حصہ قرار دیا ہے۔ او آئی سی نے وسطی غزہ میں النصیرات مہاجر کیمپ میں قتل عام اور رہائشی عمارتوں اور انفراسٹرکچر کی اندھا دھند تباہی کی شدید مذمت کی ہے۔ او آئی سی نے ایک بیان میں کہا کہ اسرائیل کی نسل کشی مہم چودہ ماہ سے جاری ہے ۔ عالمی برادری کو اپنی ذمہ داریاں نبھاتے ہوئے اسرائیل کو بین الاقوامی قانون کی پاسداری اور اقوام متحدہ کی متعلقہ قراردادوں پر عمل درآمد پر مجبور کرنا چاہئے۔ او آئی سی نے اپنے بیان میں غزہ پر اقوام متحدہ کی جنرل اسمبلی کی قراردادوں کا بھی خیر مقدم کیا ہے۔