میرے والد عوام کے درمیان زندگی گزارتے تھے، بیٹی شہید حسن نصر اللہ

تہران : حزب اللہ کے شہید سربراہ سید حسن نصراللہ کی بیٹی نے اسرائیلی میڈیا کے جھوٹ کا پردہ فاش کردیا۔ایرانی نیوز چینل پریس ٹی وی کو انٹرویو دیتے ہوئے زینب نصر اللہ نے کہا کہ ان کے والد زیرزمین زندگی نہیں گزارتے تھے۔ اسرائیلی میڈیا کی اس سلسلے میں رپورٹس جھوٹ کا پلندا ہے۔ انہوں نے کہا کہ اسرائیلی میڈیا نے میرے قتل کی خبریں چلائی تھیں۔ میں زندہ ہوں۔ زینب نصر اللہ نے کہا کہ ان کے والد صرف زمانے جنگ میں خصوصی بنکروں میں رہتے تھے۔ سید حسن نصراللہ کی زندگی کا مقصد مسلم ممالک کو اسرائیل کی سازشوں سے محفوظ بنانا تھا۔ اگر اسرائیل سمجھتا ہے کہ ان کے والد کو شہید کرکے اس نے اسلامی مزاحمت کو کمزور کیا ہے تو یہ اس کی بھول ہے۔