امت مسلمہ اسرائیلی جرائم کیخلاف احتجاج جاری رکھے، حماس

دوحہ : حماس کے سینئر رہنما اسماعیل ہنیہ نے کہا ہے کہ صیہونی دشمن کو ناکامی کا منھ دیکھنا پڑا ہے اور وہ پسپائی اختیار کر رہا ہے اور غزہ کی جنگ کو آٹھ ماہ کا عرصہ گذر جانے کے بعد اس نے اپنا اعتبار و اعتماد کھو دیا ہے۔ خالد مشعل نے استنبول میں طوفان الاحرار اجلاس سے خطاب میں کہا کہ مزاحمت غزہ ميں بہتر حالت میں ہے اور اس خطے میں ہر جگہ مزاحمت ایک بار پھر ابھر کر آئی ہے اور اپنے مؤقف پر ڈٹی ہوئی ہے، امت مسلمہ سے اپیل کی کہ وہ نسل کش حکومت کی جارحیت کو روکنے کےلیے اپنا احتجاج جاری رکھے۔ انہوں نے کہا کہ اس وقت اسرائیل کو شکست دینے اور صیہونی منصوبے کو خاک میں ملانے کا ہمارے پاس ایک تاریخی موقع ہے۔ انہوں نے کہا کہ اسرائیل ، امریکہ کی حمایت سے جرائم کا مرتکب ہو رہا ہے۔
خالد مشعل نے کہا کہ ہم امت مسلمہ سے یہ مطالبہ کرتے ہیں کہ وہ صیہونی جرائم کو روکنے کے لیے اپنے احتجاج کو جاری رکھیں اور امریکی اور صیہونی حکومت کے سفارت خانوں کو طوفان کی طرح گھیر لیں۔
القسام بریگیڈر کے ترجمان ابو عبیدہ نے کہا ہے کہ نیتن یاہو قیدیوں کے تبادلے کے بجائے اپنے فوجیوں کو قیدیوں کی تلاش میں غزہ کے گلی کوچوں میں بھیجنے کو ترجیح دیتے ہے، لیکن وہ مارے جاتے ہیں اور تابوت میں رکھ کر واپس لوٹائے جاتے ہيں۔