Raza Musani 
تہران : نئی ایرانی پارلیمنٹ کے اراکین کی حلف برداری کے بعد قائد ایوان کا انتخابی عمل پورا ہوگیا ہے۔ سابقہ پارلیمنٹ کے اسپیکر محمد باقر قالیباف دوبارہ قائد ایوان منتخب ہوگئے ہیں۔ قائد ایوان کے عہدے کے لئے تین اراکین نے کاغذات جمع کرائے تھے جن میں محمد باقر قالیباف، مجتبی ذوالنوری اور منوچھر متقی شامل تھے۔ باقر قالیباف نے 287 میں سے 198 ووٹ حاصل کئے جبکہ مجتبی ذوالنوری نے 60 اور متقی نے 5 ووٹ حاصل کئے۔
