عالمی جوہری توانائی ایجنسی اور ایران کے درمیان جوہری مسئلے پر بڑی پیشرفت

تہران: بین الاقوامی جوہری توانائی ایجنسی اور ایران کے درمیان جوہری مسئلے پر بڑی پیشرفت۔ ایران کی ایک ایٹمی سائٹ میں مقررہ حد سے زیادہ افزودہ یورینیم کے ذرات کی موجودگی سے متعلق تحقیقات کی جا رہی تھیں۔ ایران کی ایٹمی توانائی ایجنسی اور عالمی جوہری توانائی ایجنسی کے درمیان ٹیکنیکل مذاکرات ہوئے جس میں ایٹمی سائٹ پر یورینیم کے 83.7 فیصد خالص ذرات ملنے کا معاملہ زیرغور آیا۔ مذاکرات کے بعد خالص ذرات ملنے کا کیس بند کر دیا گیا۔ مسئلہ حل ہونے پر ایران کی مبینہ طور پر ناقابل شناخت سائٹس سے متعلق کیسز کی تعداد دو رہ گئی ہے۔ بین الاقوامی ایجنسی اگلے ہفتے اپنے 35 ملکی بورڈ آف گورنرز کے باقاعدہ اجلاس سے قبل ایران سے متعلق سہ ماہی رپورٹیں جاری کرے گی۔