لبنان: انتخابات میں حزب اللہ اور اس کے اتحادی 59 نشستوں پر کامیاب

بیروت : لبنان کے پارلیمانی انتخابات میں حزب اللہ اور اس کے اتحادی جماعتوں نے 59 نشتوں پر کامیابی حاصل کرلی۔ 128 پارلیمنٹ میں اکثریت کیلئے 5 نشستیں درکار ہیں۔ حزب اللہ اور اس کی اہم شیعہ اتحادی امل تحریک نے شیعوں کے لیے مخصوص تمام 27 نشستیں برقرار رکھی ہیں۔ گذشتہ پارلیمنٹ میں حزب اللہ اور اتحادیوں کو 64 نشستیں حاصل تھیں۔ وزارت داخلہ کے مطابق الیکشن میں پہلی بار 13 آزاد امیدوار بھی کامیاب ہوئے ہیں جو ایک بڑی تعداد ہے۔13 میں سے 12 اصلاح پسند امیدوار نئے آنے والے ہیں۔ اصلاح پسند، جنہوں نے 2019 کی اسٹیبلشمنٹ مخالف احتجاجی تحریک چلائی، اب تک اسمبلی میں کئی دیگر آزاد اور غیر منسلک قانون سازوں کی حمایت حاصل کر چکے ہیں۔