حزب اللہ سے تصادم نہیں چاہتے لیکن اس کا دباؤ بھی قبول نہیں کریں گے، لبنانی وزیراعظم

بیروت : لبنان کے وزیر اعظم نواف سلام نے کہا ہے کہ حکومت حزب اللہ سے تصادم نہیں چاہتی مگر دباؤ بھی قبول نہیں کرے گی۔ فرانس کے صدر ایمانویل میکرون کے ہمراہ پریس کانفرنس میں نواف سلام نے کہا کہ لبنان اپنی خودمختاری کے تحفظ کے لیے سفارتی راستہ اختیار کر رہا ہے۔ اسرائیل کے ساتھ سفارتی سطح پر براہ راست مذاکرات جاری ہیں جو اس ہفتے واشنگٹن میں سفیروں کی سطح پر دوبارہ ہوں گے۔ انہوں نے اس عزم کا اظہار کیا کہ لبنان کی خودمختاری بحال کرنے اور عوام کے تحفظ کے لیے کوششیں جاری رہیں گی۔ انہوں نے بتایا کہ اسرائیلی جنگ کے باعث ملک میں انسانی بحران شدت اختیار کر چکا ہے انسانی بحران سے نمٹنے کے لیے آئندہ چھ ماہ میں پانچ سو ملین یورو درکار ہیں۔