Raza Musani 
کولکتہ: ہندوستان کے شہر کولکتہ میں ہندو توا عناصر کی جانب سے عید میلادالنبی صلی اللہ علیہ وآلہ وسلم کی جھنڈیوں کی بے حرمتی پر فساد پھیل گیا۔کولکتہ کے عللاقے مومن پورہ میں اتوار کو رات گئے ہندوتوا عناصر نے میلاد النبی کے جھنڈے اتار پھینکے۔ پیر کی صبح مسلمانوں کو واقعات کا علم ہوا تو کشیدگی پھیل گئی۔ اس موقع پر دونوں گروپوں میں جھڑپیں ہوئیں اور دکانوں اور مکانات میں توڑ پھوڑ کی گئیں۔ گاڑیوں کو نقصان پہنچایا گیا۔ پولیس نے ہنگامہ آرائی کے بعد دونوں جانب سے 38 افراد کو حراست میں لے لیا۔ مزید فساد روکنے کیلئے علاقے میں تین دن کیلئے دفعہ ایک سو چوالیس نافذ اور پولیس کی بھاری نفری تعینات کردی گئی ہے۔ تشدد کے سلسلے میں بی جے پی کے صوبائی صدر اور پارٹی کے رکن پارلیمنٹ سکانتا مجمدار سمیت پانچ ساتھیوں کو گرفتار کیا گیا ہے۔
