Raza Musani 
کراچی: تحریک آزادی القدس کے تحت جمعتہ الوداع عالمی یوم القدس کے سلسلے میں عوامی مظاہروں کا آغاز ہوگیاہے۔ مرکزی آزادی قبلہ اول ریلی 27 رمضان المبارک بعد نماز جمعہ نکالی جائے گی۔ جبکہ جوہر چورنگی پر تحریک آزادی القدس کے زیراہتمام احتجاجی مظاہرہ کیا گیا، جس میں مختلف تنظیموں کے کارکن اورشہری شریک ہوئے، شرکا نے صیہونی مظالم کے خلاف پلے کارڈز اور فلسطینی پرچم اٹھا رکھے تھے ،مظاہرین کی نہتے اور معصوم فلسطینیوں پر صیہونی مظالم کے خلاف نعرے بازی کررہےتھے ،شرکا کاکہنا تھا کہ قائد اعظم محمد علی جناح نے واضح اصول دے دیا کہ اسرائیل ناجائز ریاست ہے،ترجمان تحریک آزادی القدس کاکہنا تھاکہ کراچی کے تمام عوامی مقامات پر مرحلہ وار مظاہرے کئے جائیں گے آج 19 اپریل کو کلفٹن تین تلوار پر احتجاجی مظاہرہ کیا جائے گا، جبکہ رمضان المبارک کے آخری جمعے کو مرکزی آزادی قبلہ اول ریلی نکالی جائے گی.
