Raza Musani 
کابل : افغانستان کے دارالحکومت کابل میں مسلح افراد نے معروف عالم اور استاد شیخ سردار ولی ثاقب کو قتل کردیا۔ شیخ سردار ولی ثاقب کو کابل کے علاقے کوٹ سانگی میں گولیوں کا نشانہ بنایا گیا۔شیخ سردار ولی ثاقب کا تعلق مشرقی صوبے ننگر ہار کے ضلع خوگیانو سے ہے۔وہ جلال آباد میں نارنج باغ دارلعلوم مدرسے میں عالم اور استاد تھے۔ ان کی میت ننگر ہار لے جائی گئی اور وہیں سپرد خاک کردیا گیا۔ طالبان ترجمان ذبیح اللّٰہ مجاہد نے شیخ ولی ثاقب کے قتل کی تحقیقات کروانے کا اعلان کیا ہے۔اپنے بیان میں انہوں نے کہا کہ علمائے کرام کا قتل ان بد عنوان عناصر کا کام ہے جو مسلمانوں کے درمیان انتشار کے بیج بونا چاہتے ہیں۔ ان بد عنوان عناصر کو تلاش کر کے ان کے جرم کی سزا دینی چاہیے۔
