اسرائیل کو 80سال بھی پورے نہ کرنے کا خوف لاحق ہے(سید حسن نصراللہ)

آج صہیونی حکومت کو اپنا وجود خطرے میں دکھائی دے رہا ہے(سید حسن نصراللہ)
کوروناوائرس کیخلاف جنگ انسانیت کی جنگ ہے، اسے تمام مذہبی،سیاسی اور نسلی حدود سے بالاتر ہو کر لڑناہوگا
امام مہدی ؑکی ولادت کادن وعدہ الہی کی تکمیل کے آغاز کا دن ہے،آپؑ اپنے ظہور کے ذریعے دنیا کو عدل و انصاف اور محبت سے پر کر دیں گے
بیروت (نیوز ڈیسک) حزب اللہ کے سربراہ سید حسن نصراللہ نے کہا ہے کہ آج صہیونی حکومت کو اپنا وجود خطرے میں دکھائی دے رہا ہے اور اسے خدشہ ہے کہ شائد وہ اپنی عمر کے 80 برس بھی پورے نہیں کر پائے گا، نیمہ شعبان کی مناسبت سے اپنے خطاب میں حجتہ الاسلام سیدحسن نصراللہ نے کوروناوائرس کیخلاف جنگ کو انسانیت کی جنگ قرار دیا اوکہا کہ اسے تمام مذہبی،سیاسی اور نسلی حدود سے بالاتر ہو کر لڑناہوگا،سید حسن نصراللہ نے پندرہ شعبان کی مبارک باد پیش کرتے ہوئے امام مہدی علیہ السلام کی ولادت کو وعدہ الہی کی تکمیل کے آغاز کا دن قرار دیا او رکہا کہ حضرت امام مہدی علیہ السلام اپنے ظہور کے ذریعے دنیا کو عدل و انصاف اور محبت سے پر کر دیں گے،انہوں نے سابق عراقی ڈکٹیٹر صدام کے ہاتھوں آیت اللہ باقر الصدؒر اور ان کی ہمشیرہ کے یوم شہادت کی تعزیت پیش کرتے ہوئے، انہیں عالم اسلام کا عظیم فلسفی اور دانشور قرار دیا،انہوں نے کہا کہ شہید آیت اللہ باقرالصدرؒ کہتے تھے، امام خمینی ؒمیں ایسے ضم ہو جاؤ جیسے وہ اسلام میں ضم ہو چکے ہیں، سید حسن اللہ نے کہا کہ امام خمینی ؒکا مشن جاری رہے گا۔