اسرائیلی تباہی سے غزہ ملبے کے پہاڑ میں تبدیل ہوچکا ہے، اقوام متحدہ

نیویارک: اقوامِ متحدہ کےنائب سربراہ جورج موریرا ڈی سلوا نے غزہ میں بگڑتے ہوئے انسانی بحران پر شدید تشویش کا اظہار کرتے ہوئے کہاہےکہ اسرائیلی تباہی کے باعث غزہ ملبے کے پہاڑ میں تبدیل ہو چکا ہے۔ جورج موریرا ڈی سلوا نے کہا ہے کہ غزہ میں انسانی بحران مزید گہرا ہو رہا ہے۔ اسرائیلی تباہی کے نتیجے میں غزہ میں چھ کروڑ ملین میٹرک ٹن سے زائد ملبہ جمع ہو چکا ہے، جو تقریباً تین ہزار کنٹینر جہازوں کے برابر ہے۔ انہوں نے کہا کہ غزہ کا ہر فرد اوسطاً تیس ٹن ملبے میں گھرا ہوا ہے اور اسے صاف کرنے میں سات سال سے زیادہ وقت لگ سکتا ہے۔ جورج ڈی سلوا نے کہا کہ غزہ کے عوام تھکے ہوئے، شدید صدمے کا شکار اور مایوس ہیں جبکہ سرد موسم اور موسلا دھار بارشوں نے مشکلات کو دوگنا کر دیا ہے۔ اقوامِ متحدہ کے عہدیدار نے تمام گزرگاہیں کھولنے، امدادی رسائی بہتر بنانے اور تعمیرِ نو کے فوری آغاز پر زور دیتے ہوئے کہا کہ غزہ کے عوام ناقابلِ بیان تکالیف برداشت کر چکے ہیں۔