اسرائیلی کا صومالی لینڈ کو ریاست تسلیم کرنے کا متنازعہ اعلان

تل ابیب : اسرائیلی وزیراعظم نیتن یاھو کے صومالی لینڈ کو خود مختار ریاست تسلیم کرنے کے متنازعہ اعلان سے عرب اور افریقی ممالک میں ہلچل مچ گئی۔
اسرائیلی وزیر اعظم نیتن یاہو نے گذشتہ روز اعلان کیا کہ اسرائیل اور صومالی لینڈ نے مکمل سفارتی تعلقات قائم کرنے کے ایک مشترکہ اعلامیے پر دستخط کیے ہیں۔ جسے انہوں نے ابراہم معاہدے کی روح کے مطابق قرار دیا ہے۔ صومالیہ کی وزارتِ خارجہ نے اس فیصلے کو یکسر مسترد کرتے ہوئے کہا ہے کہ یہ اقدام صومالیہ کی خودمختاری اور علاقائی وحدت کے لیے براہِ راست خطرہ ہے۔
امریکی صدر ڈونلڈ ٹرمپ نے کہا ہےکہ وہ صومالی لینڈ کو آزاد ملک تسلیم کرنے میں اسرائیل کی پیروی کرنے کا ارادہ نہیں رکھتے۔ خلیج تعاون کونسل کے سیکرٹری جنرل جاسم البدیوی نے کہاہےکہ اسرائیلی اقدام بین الاقوامی قانون کے اصولوں سے سنگین تجاوز اور وفاقی جمہوریہ صومالیہ کی خود مختاری اور اس کی علاقائی سالمیت کی صریح خلاف ورزی ہے۔