Raza Musani 
تل ابیب : میڈیا رپورٹس میں دعویٰ کیا گیاہےکہ اسرائیل نے مشروط منظوری دیدی ہے۔ رفح کراسنگ اڑتالیس گھنٹوں کے اندر کھل جائے گی۔ امریکی ایلچی اسٹیو وٹکوف اور جیرڈ کوشنر سے ملاقاتوں کے بعد اسرائیلی وزیراعظم نے کہاہےکہ رفح بارڈر کو محدود پیمانے پر کھولنے کی منظوری دے دی گئی ہے ۔ اسرائیل نے صرف پیدل چلنے والوں کے لیے بارڈرکھولنے پر رضامندی ظاہر کی ہے، جو کہ مکمل اسرائیلی معائنہ کے طریقہ کار سے مشروط ہے۔
اسرائیلی نشریاتی ادارے کی رپورٹ کے مطابق رفح کراسنگ کے انتظامات یورپی یونین کا وفد سنبھالے گا۔ اسی سلسلے میں توقع ہے کہ غزہ کے لیے اعلیٰ نمائندہ نکولے ملادی نوف کل اسرائیل کا دورہ کریں گے تاکہ رفح سرحد کو دوبارہ کھولنے اور غزہ کی پٹی سے متعلق دیگر امور پر بات چیت کی جا سکے۔
