اسرائیل کی نابودی یقینی، اصل جنگ امریکا سے ہے(حسن نصراللہ)

اسرائیل، کینسر کے پھوڑے کی طرح ہے جو مٹ جائیگا ، فلسطین کی آزادی کا راستہ مسلحانہ جد و جہد ہے ، کوئی بھی دوسرا راستہ وقت کی بربادی کرنے جیسا ہے
کچھ عشروں کے دوران علاقے میں جنگ اس لئے شروع کرائی گئی تاکہ علاقے میں طاقت کا توازن اسرائیل کے حق میں قائم رہے،یوم القدس پر خطاب
بیروت(نیوز ڈیسک) حزب اللہ کے سکریٹری جنرل سید حسن نصر اللہ کا کہنا ہے کہ اسرائیل کی نابودی تو یقینی ہے تاہم حقیقی جنگ تو امریکا سے ہے،عالمی یوم قدس کے موقع پر سید حسن نصر اللہ نے کہا کہ غاصب صیہونی حکومت، کینسر کے پھوڑے کی طرح ہے جو مٹ جائے گا ، سمندر سے لے کر یعنی بحیرہ روم سے دریائے اردن تک کا علاقہ فلسطین ہے جسے فلسطینیوں کو دیا جانا چاہئے ، فلسطین کی آزادی کا راستہ مسلحانہ جد و جہد ہی ہے ، اس کے علاوہ کوئی بھی دوسرا راستہ وقت کی بربادی کرنے جیسا ہے،سید حسن نصر اللہ کے مطابق فلسطینی ظاہری طور پر اسرائیل کے خلاف بر سر پیکار ہیں تاہم اصل مقابلہ تو امریکا سے ہے، گزشتہ کچھ عشروں کے دوران علاقے میں جنگ اس لئے شروع کرائی گئی تاکہ علاقے میں طاقت کا توازن اسرائیل کے حق میں قائم رہے ،ایران پر مسلط کردہ جنگ اور موجودہ وقت میں یمن پر سعودی عرب کا حملہ، یہ سب اسی پالیسی کا حصہ ہیں،انہوں نے اسلامی مزاحمتی محاذ میں ایران کو مرکز قرار دیتے ہوئے کہا کہ یہی سبب ہے کہ امریکا کے ہر اقدامات کا شکار ایران ہی ہوتا ہے، مزاحمتی محاذ ڈٹا رہے گا اور اس کو زیادہ طاقتور بنانے کا عمل جاری رہے گا، حزب اللہ کے سکریٹری جنرل کے مطابق اسرائیل اس عمل کو کسی بھی صورت میں یمن، شام، عراق اور لبنان، کہیں بھی روک نہیں پائے گا ،انہوں نے صیہونی حکومت کے ساتھ عرب ممالک کی جانب سے اپنے تعلقات معمول پر لانے کی کوششوں کی مذمت کرتے ہوئے کہا کہ اس کا انجام صرف ناکامی اور خیانت ہے۔