اسرائیلی پابندیاں، ورلڈ کچن کی سرگرمیاں معطل ہونے کا خدشہ

غزہ : غزہ انتظامیہ نے خبردار کیا ہے کہ اسرائیلی پابندیوں کے باعث امریکی فلاحی ادارہ ورلڈ سینٹرل کچن اپنی سرگرمیاں معطل کرنے پر مجبور ہو سکتا ہے، جس سے انسانی بحران مزید سنگین ہونے کا خدشہ ہے۔ غزہ کے سرکاری میڈیا آفس نے ایک بیان میں کہا کہ اطلاعات ہیں کہ ورلڈ سینٹرل کچن آئندہ دنوں میں غزہ میں اپنی سرگرمیاں روک سکتا ہے۔ یہ صورتحال زمینی سطح پر اسرائیلی رکاوٹوں کا نتیجہ معلوم ہوتی ہے۔ یان میں کہا گیا کہ امدادی ٹرکوں کی یومیہ تعداد پچیس سے کم ہو کر صرف پانچ رہ گئی ہے، جس سے خوراک کی فراہمی شدید متاثر ہوئی ہے۔ اس کمی نے ادارے کی آپریشنل صلاحیت کو نمایاں طور پر کمزور کر دیا ہے اور روزانہ ہزاروں افراد کو ملنے والا کھانا خطرے میں پڑ گیا ہے۔ حکام کے مطابق دفتر کا کہنا ہے کہ ادارے پر دباؤ ڈالا جا رہا ہے کہ وہ مصر کے بجائے اسرائیل کے اندر سے خام مال خریدے، جس سے امدادی نظام کی نوعیت اور لاگت دونوں متاثر ہو رہی ہیں۔ ورلڈ سینٹرل کچن نے بیان دیا کہ وہ روزانہ تقریباً دس لاکھ مفت کھانے فراہم کر رہا ہے اور جب تک خوراک کی باقاعدہ فراہمی ممکن ہے، کام جاری رکھے گا۔