Raza Musani 
غزہ : صیہونی فوج کے غزہ پر فضائی اور زمینی حملوں میں مزید دس فلسطینی شہید اور سترہ زخمی ہوگئے۔ اسرائیل کے جنگی طیاروں نے رفح ۔غزہ سٹی۔ اور المواسی میں مختلف مقامات کو نشانہ بنایا۔ شہید ہونیوالوں میں بیشتر خواتین اور بچے ہیں۔ گذشتہ روز جنگی طیاروں نے بیت لاہیہ میں انڈونیشین اسپتال اور کمال عدوان اسپتال میں درندگی کا مظاہرہ کیا تھا اسپتال کے احاطے اور اطراف میں لگےخیموں پر بم برسادئے جس سے بڑے پیمانے پر تباہی ہوئی اور دونوں اسپتالوں میں خواتین اور بچوں سمیت پچاس سے زائد افراد شہید ہوئے تھے۔
ادھر مقبوضہ مغربی کنارے میں اسرائیلی فوج نے ایک چوکی پر ایک فلسطینی کو گولی مار کر شہید کر دیا۔ پولیس نے کہا کہ ایک سیکورٹی گارڈ نے اسے اس وقت گولی ماری جب اس نے وہاں موجود فوجیوں پر پٹاخے پھینکے اور اس سے ایک چاقو برآمد ہوا۔
