غزہ پر اسرائیلی حملے، مزید 64 فلسطینی شہید، متعدد زخمی، 3 اسرائیلی فوجی ہلاک

غزہ :غزہ میں اسرائیل فلسطینیوں کی نسل کشی میں مصروف ہے۔ چند گھنٹوں میں اسرائیلی فوج نے 120 سے زائد فضائی حملے کیے ہیں۔ اسرائیلی فوج نے جبالیہ۔ بیت الرضوان، زیتون، دیرالبلاح پر وحشیانہ بمباری کی ہے۔ حملوں میں چونسٹھ فلسطینی شہید اور کئی زخمی ہوگئے۔
اسرائیل کی زمینی افواج کو شدید مزاحمت کا سامنا ہے اور اس نے رفح میں مسلسل پیش قدمی کے لیے فضائی حملوں کا سہارا لے لیا ہے۔ حماس اور فلسطینی مزاحمتی گروپوں نے اسرائیلی فوج کے خلاف مشترکہ آپریشن شروع کردیا ہے۔ القسام اور القدس بریگیڈ کے حملوں میں تین اسرائیلی فوجی ہلاک ہوگئے۔ حماس نے دعویٰ کیا ہے کہ اس نے اسرائیلی فوج کے تین مرکوا ٹینک تباہ کیے ہیں اور اسرائیلی فوج کو بھاری جانی و مالی نقصان پہنچایا ہے۔