حزب اللہ کے غیر مسلح ہونے تک اسرائیلی حملے جائز ہیں، لبنانی وزیرخارجہ

بیروت : لبنانی وزیر خارجہ یوسف رجّی کے اسرائیلی حملوں کو جائز قرار دینے پر حزب اللہ میں شدید غصے کی لہر دوڑادی ہے۔
اسکائی نیوز سے انٹرویو میں یوسف رجّی نے کہا ہے کہ جب تک حزب اللہ مکمل طور پر غیر مسلح نہیں ہو جاتی، اسرائیل کو اپنے حملے جاری رکھنے کا حق حاصل ہے۔ حزب اللہ کے حامی اخبار الاخبار نے رجّی کو حکومت میں دشمن کا اسپیکر قرار دیا اور لبنانی وزیر اعظم اور صدر سے ان کے خلاف کارروائی کا مطالبہ کیا۔
لبنانی پارلیمنٹ کے حزب اللہ کے رکن علی عمار نے بھی رجی کی مذمت کرتے ہوئے اسے ایک گونجتی ہوئی سیاسی، قومی اور اخلاقی ناکامی قرار دیا۔ عمار نے وزیر اعظم اور صدر پر بھی زور دیا کہ وہ رجی کے الفاظ کے خلاف موقف اختیار کریں. لبنان کی کئی معروف شخصیات نے رجی کے خلاف بیانات جاری کیے۔