Raza Musani 
ریاض :سعودی عرب نے رفح آپریشن فوری بند کرنے کا مطالبہ کردیا ہے۔سعودی عرب کے وزیرخارجہ فیصل بن فرحان نے رفح اور غزہ میں فوری جنگ بندی کی اپیل کرتے ہوئے کہا کہ غزہ میں اسرائیل عالمی قوانین کی سنگین خلاف ورزیاں کررہا ہے۔رفح میں اسرائیلی فوج محفوظ قرار دئیے گئے علاقوں میں فلسطینیوں کے کیمپوں کو نشانہ بنارہی ہے۔غزہ میں اسرائیلی فوج جان بوجھ کر فلسطینیوں کی املاک کو تباہ کررہی ہے۔سعودی عرب غزہ پر اسرائیل کے قبضے کو ہرگز برداشت نہیں کرے گا۔عالمی برادری غزہ میں جنگ بندی کے لیے اپنا کردار ادا کرے جہاں پہلے ہی بہت زیادہ خون بہہ چکا ہے ۔سعودی وزیرخاجہ کا کہنا تھا کہ رفح پر حملے کے بعد غزہ میں مزید قتل عام کا خدشہ ہے۔
