Raza Musani تل ابیب : اسرائیلی وزیر خزانہ بیزالیل اسمورٹچ نے مغربی کنارے کی چھ ہزار ایکڑ کے قریب فلسطینی زمین کو ضبط کرنے کی تصدیق کی ہے۔ اسرائیلی چینل 14 نے اس اقدام کو ایک ڈرامائی پیش رفت قرار دیا ہے جس سے علاقائی منصوبہ بندی پر اثر انداز ہونے اور علاقے کی نئی شکل دینے کی توقع ہے۔ اسرائیلی وزیر نے کہا کہ یہ عمل آبادکاری کیلئے زمین کے حصول کا تسلسل ہے۔ یہ اس بات کی ضمانت دیتا ہے کہ ہم بستیوں کو مضبوط کرتے رہیں گے۔ انہوں نے کہا کہ ہم زمینی حقائق کا تعین کرتے ہیں اور فلسطینی ریاست کے قیام کو ناکام بناتے ہیں۔ اسرائیلی میڈیا کے مطابق اسرائیل نے مقبوضہ القدس کے مشرق میں واقع معالے ادومیم کی غیر قانونی اسرائیلی بستی کو جنوب میں 642 ایکڑ تک بڑھایا جائے گا، جس سے کیدار کی غیر قانونی بستی سے منسلک ایک آبادکاری کا سلسلہ قائم ہوگا۔
