Raza Musani 
تہران: ایران نے غزہ میں صیہونی جرائم پر امریکا اور بعض مغربی ممالک کے دُہرے معیار کی مذمت کرتے ہوئے کہاہے کہ اسرائیل کو غزہ میں نسل کشی اور خطے کو جلانے کی اجازت نہیں دی جا سکتی۔ ایرانی وزیر خارجہ عبداللہیان نے برطانوی ہم منصب ڈیوڈ کیمرون سے ٹیلی فونک گفتگو میں کہاکہ فلسطین کے بحران کی جڑ سات اکتوبر کے واقعات سے نہیں بلکہ اسرائیل کا 75 سالہ قبضہ۔ جنگی جرائم اور فلسطینیوں کی نسل کشی اس کی وجہ ہیں۔ ان مسائل میں برطانیہ کا واضح کردار ہے۔ انہوں نے کہاکہ ایران حماس کو قبضے اور نسل پرستی کے خلاف آزادی کی تحریک سمجھتا ہے۔ انہوں نے کہا کہ ایران کیخلاف اسرائیل کی کسی بھی جارحیت اور مہم جوئی کا جواب سخت اور افسوسناک ہوگا۔
