Raza Musani 
تل ابیب : اسرائیل نے اردن کے رکن پارلیمنٹ عماد العدوان کو گرفتار کر لیا۔ عماد العدوان اردنی پارلیمنٹ کی فلسطین کمیٹی کے رکن ہیں۔ اردن کی وزارت خارجہ کے ترجمان سنان مجالی نے بتایا کہ عماد العدوان نے بذریعہ کار دریائے اردن کے ساتھ ایک اہم سرحدی گزرگاہ کو عبور کیا تھا جہاں اسرائیلی حکام نے انہیں حراست میں لے کر پوچھ گچھ کی۔ عماد العدوان کو مبینہ طور پر اسلحہ اور سونے کی اسمگلنگ کے الزام میں گرفتار کیا گیا ہے۔ وزارت اور مملکت میں تمام متعلقہ ایجنسیاں اس مسئلے کی تفصیلات معلوم کرنے اور اسے جلد از جلد حل کرنے کے لیے کام کر رہی ہیں۔
